Arestado ang isang High Value Individual sa isinagawang buy-bust operation ng Panabo City Police Station nito lamang Mayo 25, 2024 sa Purok 14, Barangay New Visayas, Panabo City, Davao Del Norte.
Kinilala ni PLtCol Jun A Bautista, Chief of Police ng Panabo CPS, ang suspek na si alyas “Kiang”, 46 anyos, salesman at residente ng Purok 9, Barangay Southern Davao, Panabo City.
Ang suspek ay naaresto sa pinagsanib na puwersa ng mga tauhan ng nasabing istasyon at PDEA.
Narekober mula sa suspek ang 16 na pakete ng hinihinalang shabu na may bigat na humigit kumulang 11 gramo at may Standard Drug Price na Php75,000.
Samantala, ang Police Regional Office 11 sa pangangasiwa ni Regional Director Police Brigadier General Aligre L Martinez ay patuloy na nakikiisa sa mga adhikain na suportahan ang mga programa ng pamahalaan tungo sa kaayusan at kapayapaan para sa ligtas na lipunan.
Panulat ni Pat Shairra Rose A Aquino
