Bacolod City – Arestado ang isang High Value Individual sa isinagawang buy-bust operation ng City Drug Enforcement Unit ng Bacolod City Police Office sa Purok Gonzaga, Brgy. Taculing, Bacolod City nito lamang ika-7 ng Oktubre, 2022.
Kinilala ni Police Lieutenant Joven C Mogato, Hepe ng CDEU-BCPO ang suspek na nahuli na si Annalyn Dela Cruz y Magdapat alyas Len, 45, residente ng Purok Gonzaga, Brgy. Taculing, Bacolod City.
Samantala, ang isang nakatakas ay kinilalang si Niño Mira y Nantes alyas To Lay, 42, residente ng Purok Gonzaga, Brgy. Taculing, Bacolod City.
Ayon kay PLt Mogato, nakatakas si To Lay matapos nitong malaman na pulis ang kanyang katransaksyon at agad itong tumakbo sa hindi pa matukoy na lokasyon at kasalukuyang pinaghahanap pa ng mga otoridad.
Dagdag pa ni PLt Mogato, nakumpiska kay Annalyn ang isang piraso ng Php1,000 bill na buy-bust money, 14 na piraso ng heat-sealed transparent plastic sachet na naglalaman ng hinihinalang shabu na may timbang na 53 gramo na nagkakahalaga ng Php360,400 at iba pang kagamitan.
Nahaharap ang dalawang suspek sa kasong paglabag sa Republic Act 9165 o Comprehensive Dangerous Drugs Act of 2002.
Ang Bacolod City PNP ay patuloy sa kampanya laban sa ilegal na droga at kriminalidad para sa ligtas, maayos at mapayapang komunidad.
