Iloilo City – Naaresto ang isang High Value Individual sa drug buy-bust operation ng Station Drug Enforcement Team ng Iloilo City Police Station 6 sa Brgy. Sto. Niño Norte, Arevalo, Iloilo City, ika-16 ng Mayo 2023.
Kinilala ni Police Captain Mavin Laraño, Hepe ng Arevalo Police Station, ang drug suspek na si alyas “Michael/Nanak”, 23, residente ng Brgy. Balantang, Jaro, Iloilo City.
Ayon kay PCpt Laraño, nahuli ang subject person matapos ang pagbebenta nito ng isang malaking pakete ng pinaniniwalaang shabu na nagkakahalaga ng Php20,000 sa nagpanggap na posuer-buyer.
Nakuha pa sa suspek ang dalawang malalaking pakete ng suspected shabu, 1 smart phone, 1 coin purse na kulay green, at Php300 na cash proceeds na umabot sa humigit kumulang 15 gramo ng shabu na may tinatayang halaga na Php102,000 ang narekober sa nasabing buy-bust.
Nahaharap ang suspek sa kasong paglabag sa R.A. 9165 o Comprehensive Dangerous Drugs Act of 2002.
Ang Iloilo City PNP ay walang tigil sa pagsasagawa ng mga operasyon kontra ilegal na droga upang tuluyang mapuksa ang pagkalat ng ipinagbabawal na droga sa syudad.
