Lingayen, Pangasinan – Arestado ang isang High Value Individual sa kasong paglabag sa RA 9165 sa operasyon ng PNP noong Abril 16, 2022.
Kinilala ni Police Major Leo Llmas, Hepe ng Pangasinan Provincial Drug Enforcement Unit, ang suspek na si Syver Palao y Randy, 47, tubong Dagupan City at kasalukuyang nakatira sa Brgy. Poblacion West, Sta. Ignacia, Tarlac City.
Ayon kay Police Major Llmas, naaresto ang nasabing suspek bandang 7:22 ng umaga sa nasabing lugar ng Police Drugs Enforcement Unit, Provincial Intelligence Unit, Police Drug Enforcement Group-Special Operation Unit 1 at Sta. Ignacia Tarlac City Police Station.
Ayon pa kay Police Major Llmas, naaresto ang suspek sa bisa ng Alias Warrant of Arrest (3 Warrants) sa kasong paglabag sa RA 9165 na may rekomendadong piyansa na Php 200,000.
Ang tagumpay ng PNP laban sa mga taong may pananagutan sa batas ay bunga ng pakikipagtulungan at pakikiisa ng mamamayan.
Source: Lingayen Pangasinan
###
Panulat ni Patrolman Joshua A Jimenez, RPCADU1
