Arestado ng mga miyembro ng Calinan Police Station ang isang High Value Individual sa Purok 6B, Barangay Calinan Poblacion, Calinan District, Davao City nito lamang ika-21 ng Hulyo 2024.
Kinilala ni Police Major Leo Arvin O Alce, Officer-In-Charge ng Calinan Police Station, ang suspek na si alyas “Bongbong”, 21 anyos, magsasaka at residente ng Purok 1C, Los Amigos, Tugbok District, Davao City.
Narekober naman mula sa suspek ang hinihinalang marijuana na may bigat na humigit kumulang 3.06 gramo at may Standard Drug Price na Php500, isang android phone at buy-bust money.
Mahaharap ang suspek sa kasong paglabag sa Article 2, Section 5 ng Republic Act 9165 o Comprehensive Dangerous Drugs Act of 2002.
Ang laban kontra kriminalidad ay patuloy na pinapaigting ng Police Regional Office 11 sa pamumuno ni Regional Director Police Brigadier General Nicolas D Torre III alinsunod sa kampanya ng Bagong Pilipinas na panatilihin ang kapayapaan at kaayusan tungo sa pagsulong ng bansa.
Panulat ni Patrolwoman Shairra Rose A Aquino
