Arestado ang isang High Value Individual sa operasyon ng Baganga Municipal Police Station nito lamang Hulyo 12, 2024 sa Prk. Camia, Barangay Kinablangan, Baganga, Davao Oriental.
Kinilala ni Police Major Michael P Celecio, Chief of Police ng Baganga Municipal Police Station, ang suspek na si alyas “Toto”, 40 anyos, manggagawa at residente ng Purok Sampaguita, Barangay Kinablangan, Baganga.
Ang suspek ay naaresto sa isinagawang buy-bust operation ng nasabing istasyon at RPDEU 11 kung saan ay narekober mula sa suspek ang humigit kumulang 7 gramo ng hinihinalang shabu na nagkakahalaga ng humigit kumulang Php47,600, improvised scoop, plastic container at buy-bust money.
Ang suspek ay mahaharap sa kasong paglabag sa Republic Act 9165 o Comprehensive Dangerous Drugs Act of 2002.
Samantala, ang laban kontra kriminalidad ay patuloy na pinapaigting ng Police Regional Office 11 sa pamumuno ni Regional Director Police Brigadier General Nicolas D Torre III alinsunod sa kampanya ng Bagong Pilipinas na panatilihin ang kapayapaan at kaayusan tungo sa pagsulong ng bansa.
Panulat ni Pat Shairra Rose A Aquino
