Sinalakay ng pwersa ng pulisya at militar ang pinagtataguan ng mga dating rebelde sa Gapan, Nueva Ecija noong Setyembre 26, 2021.
Nadiskubre ang naturang kuta sa tulong ng mga dating rebelde, ayon kay PCol Fitz Macariola, Force Commander ng RMFB3.
Nakuha sa naturang lugar ang 25 litro ng bigas; dalawang (2) pirasong 9 volts na baterya; sampung (10) pirasong non-electric blasting cap; apat (4) na pirasong electric blasting cap; isang (1) pirasong komersyal time fuze na may habang sampung (10) pulgada; dalawang (2) pirasong toggle switch; anim (6) na pirasong resistor; dalawang (2) pirasong crocodile clip; isang (1) pirasong ctg. 60MM na walang fuze; isang (1) pirasong Booster; dalawang (2) pirasong pvc pipe improvised land mine na may sukat na 24.5cm / 17cm at 20cm / 11cm at dalawang (2) pirasong plastik ng hinihinalang sangkap sa pampasabog.
Ang operasyon ay isinagawa ng RMFB3, 1st PMFC NEPPO, 22nd SAC SAF, Gapan City Police Station, at 84th IB 7ID PA.
Patuloy ang imbestigasyon at operasyon ng PNP at AFP upang matukoy ang iba pang pinagtataguan ng mga komunistang grupo para tuldukan ang insurhensya at terorismo.
“Ang aming kampanya laban sa insurhensya ay hindi titigil sa kabila ng banta ng COVID-19. Dahil rin sa aming walang tigil na pagsisikap kasama ang AFP, ang mga CTG ay patuloy na magdurusa. Ginagawa namin ang aming makakaya upang magawa natin ang layunin ng RTF-ELCAC, ” pahayag ni PBGen Valeriano T De Leon, RD PRO3.
###
Article by: Pat Maria Elena Sotto Delos Santos
