Davao City – Inilunsad ng Davao City Police Office (DCPO) ang “Help and Educate a Child Project” para sa mga Children in Conflict with the Law (CICL) sa Camp Captain Domingo E Leonor, San Pedro Street, Davao City nitong Huwebes, Mayo 26, 2022.
Sa ilalim ng pamumuno ni City Director, PCol Alberto Lupaz at sa koordinasyon sa Emar Human and Environmental College ay pormal na nilagdaan ang Memorandum of Agreement ng nasabing proyekto.
Ang “Help and Educate a Child Project” ay isa lamang sa high-impact project ng DCPO-City Advisory Group for Police Transformation and Development (CAGPTD) na naglalayong magbigay ng access sa dekalidad na computer education sa mga kabataan na napapabilang sa CICL at mga batang lansangan sa Davao City.
Kasabay nito ay nakatanggap naman ng 50 computer units ang DCPO na mula sa mga mabubuting stakeholders nito kabilang ang Awesome OS, Davao Bay Eagles Club at Davao Bay Lady Eagles Club na siyang gagamitin ng mga CICL sa ilalim ng nasabing proyekto.
Patuloy naman na magsasagawa ng iba’t ibang proyekto ang Police Regional Office 11 sa pamumuno ni PBGen Benjamin Silo Jr. para sa kapakanan ng bawat Dabawenyo lalo na para sa mga kabataang nangangailangan ng tulong at paggabay.
###
Panulat ni PCpl Mary Metche A Moraera
