General Santos City – Nagsagawa ng Health Care Mission ang mga tauhan ng 1201st Maneuver Company, Regional Mobile Force Battalion 12 na ginanap sa Bureau of Jail Management and Penology 12, Lanton, Barangay Apopong, General Santos City nito lamang ika-10 ng Enero 2022.
Pinangunahan ni Police Captain Willy Lomong-Ey Lenomta, Officer-In-Charge, Company Commander ng 1201st Maneuver Company, RMFB 12 ang nasabing aktibidad katuwang ang BMJP 12 at ang Executive Director ng International Pharmaceuticals, Inc. (IPI).
Ang mga naging benepisyaryo sa isinagawang aktibidad ay ang mga Persons Deprived of Liberty (PDL) na sumailalim sa mga libreng check-up at nakatanggap din ng mga gamot at vitamins.
Naging katuwang ng kapulisan ang mga miyembro ng BJMP at mga pribadong doktor na nakiisa upang ipakita ang malasakit kahit sa mga kababayan nating nasa loob ng piitan.
Panulat ni Patrolman Charnie Atienza Mandia
