Umabot na sa higit Php8 bilyon halaga ng ilegal na droga ang natagpuan ng mga mangingisda na lumulutang sa karagatan ng Masinloc, Zambales; Santa Cruz, Ilocos Sur; at ilang bahagi ng baybayin ng Pangasinan.
Ayon kay PNP Spokesperson at PRO3 Regional Director Police Brigadier General Jean Fajardo, nasa 66 sako ng hinihinalang shabu ang narekober mula Mayo 29 hanggang Hunyo 9, 2025.
Ayon pa kay PBGen Fajardo, mga lokal na mangingisda ang unang nakakita ng mga nakalutang na sako bago agad ipinaalam sa mga awtoridad.
Naniniwala ang mga awtoridad na ang mga kargamento ay iisa lamang ang pinanggalingan—na pinaghihinalaang mula sa sindikatong Golden Triangle na pinapatakbo ng mga Tsino—dahil ang lahat ng mga item ay may katulad na packaging.
Ani PBGen Fajardo na kinakailangan na palakasin ang pinagsamang patrolya ng PNP Maritime Group kasama ang Philippine Coast Guard at Philippine Navy upang labanan ang ilegal na kalakalan ng droga sa karagatan.
Sa ngayon, patuloy ang imbestigasyon ng mga otoridad kabilang ang PNP, PDEA, at PCG para tukuyin kung sino ang nasa likod ng drogang ito na posibleng isinagawa gamit ang “floating shipment method.”
Patuloy ang paglalatag ng PNP ng maritime intelligence at patrol sa mga baybaying dagat ng Luzon para maiwasan ang muling pagpuslit ng ilegal na droga sa bansa.
📸: Philippine Coast Guard
Source: Tambayan ng Pulis / ABS CBN
