Nakumpiska ng kapulisan ng Bohol ang halos Php7 milyon halaga ng hinihinalang shabu sa isinagawang buy-bust operation ng mga awtoridad sa Purok 6, Barangay Manga, Tagbilaran City, Bohol, noong ika-27 ng Oktubre 2024.
Kinilala ni Police Lieutenant Colonel Joemar S Pomarejos, Chief ng Provincial Intelligence Unit, Bohol Police Provincial Office, ang nahuling High Value Individual na suspek na si “Mario”, 44 anyos, residente ng Purok 2 Barangay Bayacabac, Maribojoc, Bohol.
Bandang 10:30 ng gabi ng ikinasa ng mga awtoridad ang buy-bust operation na nagresulta sa pagkaaresto ng suspek at pagkasabat ng 15 pakete ng hinihinalang shabu na may timbang na 1,020 gramo at may Standard Drug Price na Php6,963,000, buy-bust money, digital na timbangan, android na cellphone, asul na backpack at isang unit ng caliber .38 na revolver.
Ang suspek ay kasalukuyang nasa kustodiya ng Tagbilaran City Police Station at mahaharap sa kasong paglabag sa Republic Act 9165 o “Comprehensive Dangerous Drugs Act of 2002” at RA 10591 o “Comprehensive Firearms and Ammunition Regulation Act”.
Ang matagumpay na operasyon ay bunga ng pinagsanib-pwersa ng mga kapulisan ng Tagbilaran CPS at Provincial Drug Enforcement Unit, Bohol PPO.
Patunay lamang na patuloy ang pagsuporta ng Bohol PNP sa kasalukuyang administrasyon na labanan ang paglaganap ng ipinagbabawal na gamot tungo sa mas mapayapang Bagong Pilipinas.
Source: BPPO SR
