Nasabat sa maglive-in partner ang halos Php5 milyong halaga ng shabu sa ikinasang drug buy-bust operation ng Regional Police Drug Enforcement Unit 6 (RPDEU6) at Sta. Barbara Municipal Police Station (MPS) sa Deca Homes 3, Brgy. Balabag, Sta. Barbara, Iloilo, dakong alas 5:30 ng hapon ng Enero 31, 2024.
Kinilala ni Police Captain Glenn Soliman, Officer-In-Charge ng RPDEAU6, ang mga nahuling suspek na sina alyas “Dindo”, 43, at ang live-in partner nitong si alyas “Gigil”, 40, kapwa residente ng Brgy. Calaparan, Arevalo, Iloilo, at pansamantalang naninirahan kung saan naganap ang operasyon.
Ayon pa kay PCpt Soliman, nasamsam sa mga suspek ang tinatayang 730 gramo ng suspected shabu na may Standard Drug Price na aabot sa Php4,964,000, Php26,000 na ginamit bilang buy-bust money, proceeds money na nagkakalaga ng Php1,200.00 at ilang mga non-drug items.
Sasampahan ang mga naarestong suspek ng kasong paglabag sa RA 9165 o Comprehensive Dangerous Drugs Act of 2002.
Kaugnay nito, pinuri ni PBGen Sidney N Villaflor, Regional Director ng PRO6, ang mga tauhan ng nabanggit na Unit sa kanilang tagumpay sa pagsawata ng ilegal na droga.
Ani PBGen Villaflor, “We will continue to work tirelessly to ensure the safety and well-being of our citizens. This collaborative effort exemplifies the dedication of our police in maintaining the peace and security of the region.”
Panulat ni Pat Brent Marx Ngaya-an
