Arestado ng pulisya ang lalaking suspek sa pananaksa sa biktimang habal-habal driver gamit ang screwdriver sa Santa Catalina sa Sitio Jagonipa, Barangay Alangilan, Santa Catalina, Negros Oriental, noong ika-30 ng Disyembre 2024.
Kinilala ni Police Major Jaypee F Dagami, Officer-In-Charge ng Santa Catalina Municipal Police Station, Negros Oriental Police Provincial Office, ang suspek na si “Anastacio”, 44 anyos, residente ng nabanggit na lugar.
Batay sa imbestigasyon ng pulisya, bandang 4:32 ng hapon ng mangyari ang insidente. Hinatid umano ng biktima ang ka live-in partner ng suspek at isa pa nitong kasama sa kani-kanilang bahay. Pagkatapos ay dumiretso kaagad ang biktima sa isang kubo na nagsisilbing Habal-habal Terminal. Ilang minuto ang nakalipas ay dumating ang suspek at kinompronta ang biktima sabay sabing ”Nganong sakay man nimo c Analie gusto jud cguro nimo mapatay” at sinaksak ang biktima gamit ang screwdriver.
Nagtamo ang biktima ng dalawang sugat sa may kanang dibdib. Kaagad itong sinugod sa pagamutan at kasalukuyan itong nagpapagaling.
Samantala, kasalukuyang nasa kustodiya ng Santa Catalina MPS ang suspek at mahaharap sa kasong Frustrated Homicide.
Ang kapulisan ng Santa Catalina ay nangangakong mas papaigtingin pa ang kanilang kampanya na labanan ang lahat ng uri ng kriminalidad upang matiyak ang kaayusan, at kapayapaan dahil sa Bagong Pilipinas, ang gusto ng Pulis, ligtas ka!.
Source: SANTA CATALINA MPS SR
