Talisay City – Arestado ng mga tauhan ng Drug Enforcement Unit ng Talisay City Police Station ang isang habal-habal driver sa isang buy-bust operation sa Purok Kasadya, Brgy. Lagtang, Talisay City, Cebu noong Enero 29, 2024.
Kinilala ni Police Lieutenant Colonel Wayne P Magbanua, Hepe ng Talisay City Police Station, ang suspek na si alyas “Gibi”, 45-anyos at residente ng Upper SDA, Brgy. Lagtang, Talisay City, Cebu.
Ang operasyon ay nagresulta sa pagkakakumpiska ng hinihinalang shabu na tumitimbang ng 50 gramo at nagkakahalaga ng Php340,000, isang unit ng cal. 45 pistol, magazine, mga bala, buy-bust money at isang kulay itim na chest bag.
Ang Talisay PNP ay lalo pang paiigtingin ang kampanya kontra ilegal na droga para mapanatili ang ligtas, maayos, at mapayapang komunidad.
Panulat ni Patrolwoman Razelle Y Lopez
