Quezon City — Arestado ang lalaking tinuturong gunman ng pamamaril sa empleyado ng Ombudsman sa pamamagitan ng follow-up operation ng mga kapulisan ng Quezon City Police District nito lamang Lunes, Pebrero 6, 2023.
Kinilala ni Police Major General Jonnel Estomo, Regional Director ng NCRPO, ang nasabing gunman sa pangalang Marlon Nery at ang mastermind nito na si Dexter Alambat na residente ng Block 14, Lot 7, Central Avenue, QC Ville, Brgy. Culiat, Quezon City.
Ayon kay PMGen Estomo, naganap ang pamamaril noong Pebrero 1, 2023 bandang 8:20 ng umaga sa kahabaan ng Quezon Avenue malapit sa kanto ng Codillera St., Brgy. Dona Josefa, Quezon City kung saan isang babaeng empleyado sa Ombudsman ang natamaan.
Ayon pa kay PMGen Estomo, naaresto ang gunman noong Pebrero 6, 2023, limang araw matapos ang krimen. Ang gunman ay nagsagawa ng Extra Judicial Confession kung saan siya ay kusang-loob na nagbigay ng pahayag tungkol sa kanilang plano na naghudyat sa agarang pagsasagawa ng follow-up operation ang mga operatiba ng QCPD CIDU o Criminal Investigation & Detection Unit at DSOU o District Special Operation Unit ng QCPD.
Ibinunyag din ng suspek na ang utak sa likod ng pagpatay ay empleyado rin umano ng Office of the Ombudsman na nakipag-ugnayan sa kanya kapalit ang Php30,000 at itinuro din ang kinaroroonan ni Mr. Cruz, na residente ng Block 14, Lot 7, Central Avenue, QC Ville, Brgy. Culiat, Quezon City.
Narekober sa possession at control ni Dexter Cruz ang iba’t ibang klase ng baril at bala; dalawang inside holster; isang belt bag; at isang fragmentation hand grenade.
Source: NCRPO PIO
Panulat ni PSSg Remelin M Gargantos
