Timbog ang isang gun runner matapos ikasa ng Tarlac City PNP ang Search Warrant sa kasong paglabag sa Republic Act 10591 sa Barangay Balete, Tarlac City nito lamang Linggo, ika- 20 ng Oktubre 2024.
Matagumpay ang operasyon sa ilalim ng pamumuno ni Police Lieutenant Colonel Sean C Logronio, Acting Chief of Police ng Tarlac City Police Station at nadakip ang suspek na si alyas “Chinie”, 34 anyos at residente ng Barangay Balete, Tarlac City.
Ikinasa ang Search Warrant na nagresulta sa pagkakaaresto ng nasabing suspek at pagkakakumpiska ng isang ITHACA cal. 45, isang cal. 38 na walang serial number, tig-apat na bala Cal. 45 at cal. 38, isang magazine ng ng Cal. 45 at isang digital weighing scale.
Nahaharap sa kasong paglabag sa RA 10591 o “Comprehensive Firearms and Ammunition Regulation Act” ang nasabing suspek.
Patuloy ang Tarlac City PNP sa pagsugpo ng kriminalidad at sa paghuli ng may pananagutan sa batas upang kakaharapin ang mga kaso para sa inaasam na mapayapa at ligtas na Bagong Pilipinas.
