Sarangani Province – Arestado ang isang lalaki ng Malungon PNP sa paglabag sa RA 9165 o Comprehensive Dangerous Drugs Act of 2002 at COMELEC Gun Ban, sa Barangay Malandag Malungon, Sarangani Province nito lamang Mayo 19, 2022.
Kinilala ni PBGen Alexander Tagum, Regional Director, PRO 12 ang naarestong suspek na si Alexander Sunio Apolinario, 68, at residente ng nasabing lugar.
Ayon kay PBGen Tagum, bitbit ng suspek ang isang unit ng caliber .38 pistol na may laman na tatlong live ammunition.
Narekober din sa suspek ang isang heat-sealed transparent cellophane at dalawang piraso ng nakabalot na papel na naglalaman ng hinihinalang pinatuyong dahon ng marijuana na nakatago sa loob ng pakete ng sigarilyo na may tinatayang bigat na 0.5 gramo na may karaniwang presyo na nagkakahalaga ng Php600.
Pinaalalahanan ni PBGen Tagum, ang publiko na ang COMELEC Gun Ban na nagsimula noong Enero 9, 2022, ay may bisa pa rin hanggang Hunyo 8, 2022 sa ilalim ng COMELEC Resolution No. 10728.
###
Panulat ni Patrolman Gio Batungbacal
