Davao del Norte – Arestado ang isang lalaki matapos makuhanan ng baril ng tauhan ng PNP sa Purok 4 Santol, Brgy. La Filipina, Tagum City, Davao del Norte, noong Mayo 1, 2022.
Kinilala ni PLtCol Jay Dema-Ala, Station Commander ng Tagum City Police Station ang suspek na si alyas “San”, 43, residente ng Purok Malinawon, Esmeralda Homes, Brgy. La Filipina at hinihinalang miyembro ng Farola Criminal Gang.
Ayon kay PLtCol Dema-Ala, nakuha mula sa suspek ang isang Colt MK 1V .45 caliber na may kasamang pitong live ammunition ng walang kaukulang dokumento.
Dagdag pa ni PLtCol Dema-Ala, naaresto ang suspek matapos magreport ang isang concern citizen sa nasabing lugar na agad pinuntahan ng tauhan ng nasabing istasyon.
Ang pagkakadakip sa suspek ay resulta ng tiwala na ibinibigay ng mamamayan sa PNP na buong sikap na sinusuklian naman ng maayos at tapat na serbisyo publiko.
###
Panulat ni Patrolman Alfred Vergara
