Jordan, Guimaras – Tagumpay na isinakatuparan ng mga tauhan ng Guimaras Police Provincial Office ang Empowerment and Anti-Terrorism Awareness para sa mga kabataang IP’s sa Sitio Kati-Kati, Brgy. San Miguel, Jordan, Guimaras nitong Biyernes, Mayo 27, 2022.
Ang naturang aktibidad ay pinangunahan ni Police Lieutenant Colonel Ethan Estaya, Chief, Police Community Affairs and Development Unit sa ilalim ng pangangasiwa ni Police Colonel Richard Balauis, Acting Provincial Director, na naglalayong turuan ang mga kababayang IP’s sa iba’t ibang batas na may kaugnayan sa kanilang mga karapatan upang maiwasan ang mga panlilinlang at maling propaganda na ipinapakalat ng mga makakaliwang grupo.
Kabilang sa mga tinalakay ang RA 9262 at Anti-Rape Law na masigasig na tinalakay ni Police Senior Master Sergeant Hazel Grace Aguillon, Chief Clerk, Provincial Women and Children Protection Desk, GPPO, na sinundan naman ni Police Staff Sergeant Jeremy Minerva, speakers bureau member, na siyang nanguna sa talakayan tungkol sa Anti-Terrorism Awareness at Anti-Illegal Drugs Campaign.
Ang nasabing aktibidad ay dinaluhan ng 37 youth members ng Sitio Kati-Kati Indigenous People Community.
Samantala, nagdonate naman ang grupo ng volleyball net at bola para sa nasabing indigenous community na kumasa pa sa isang friendly game kasama ang mga kabataan.
Lubos naman ang pasasalamat ng mga residente sa inisyatibo ng ating mga kapulisan na bisitahin ang kanilang komunidad sa kabila ng kaliwa’t kanang programa ng mga ito na ipinapatupad sa buong probinsya.
###
