Maguindanao del Sur – Nakiisa sa isinagawang Brigada Eskwela 2023 ang mga tauhan ng GSK Pendatun Municipal Police Station sa Ambolinog Elementary School, GSK Pendatun, Maguindanao del Sur nito lamang Agosto 23, 2023.
Pinangunahan ni Police Captain Lucky Seigfred Sibayan, Officer-in-Charge, GSK Pendatun MPS, ang nasabing pakikiisa sa isinagawang Brigada Eskwela katuwang ang mga guro, magulang, barangay officials, Bureau of Fire Protection GSK Pendatun at ilang volunteers.
Ang isinagawang Brigada Eskwela 2023 sa pamumuno ng Kagawaran ng Edukasyon ay may temang “Bayanihan para sa Matatag na Paaralan.”
Ito ay isang patunay na ang PNP ay handang tumulong sa anumang programa ng pamahalaan lalong-lalo na sa pagpapaigting ng samahan ng PNP at komunidad para makamit ang isang maunlad na pamayanan.
Pat Mark Vincent Valencia
