Idinaos ang Groundbreaking Ceremony para sa inaabangang Standard Police Station ng Lingayen Police Station nitong Enero 27, 2025, dakong 9:00 ng umaga sa Barangay Pangapisan North, Lingayen, Pangasinan.
Ang aktibidad ay dinaluhan ni Police Brigadier General Lou F Evangelista, Regional Director ng PRO 1, na nagsilbing panauhing pandangal at tagapagsalita.
Sa kanyang makabuluhang talumpati, binigyang-diin ni PBGen Evangelista ang kahalagahan ng bagong pasilidad na ito, na layong mapalakas ang seguridad at mapatatag ang ugnayan ng komunidad sa rehiyon.
Ang proyektong ito ay nagbabadya ng mas maliwanag at mas ligtas na kinabukasan para sa mga mamamayan ng Lingayen. Isinusulong nito ang mas moderno at episyenteng serbisyong pangkaayusan sa puso ng Pangasinan.
Source: PIO PRO1
Panulat ni PMSg Carmela G Danguecan
