Bangued, Abra – Isinagawa ang Ground Breaking Ceremony ng PNP Pabahay Program ng Abra PNP sa Brgy. Sta Rosa, Bangued, Abra nito lamang Huwebes, Setyembre 29, 2022.
Ang aktibidad ay pinangunahan ni Police Colonel Maly Cula, Acting Provincial Director, Abra Police Provincial Office, katuwang sina Police Lieutenant Colonel Reynaldo Buan, Chief, Police Community Affairs and Development Unit at Mr Esses Baroña, Bangued Municipal Administrator at Bangued Municipal Police Station.
Ang Pabahay Project na ito ng Abra PPO ay para sa pamilya ni Mr Pedro Rafinian, isa sa napiling benepisyaryo ng naturang programa.
Kasabay ng nasabing programa ay isinagawa rin sa Brgy. Pulot, Lagayan, Abra na pinangunahan rin ni PCol Cula kasama sina Hon Mayor Edmarc Crisologo, Brgy. Captain Arnel Velasquez at Lagayan MPS ang Pabahay Project para naman sa pamilya ni Mrs Rosela Pescador, isa din sa napiling benepisyaryo.
Ang Pabahay Project ng Abra PPO ay bunga mula sa nalikom na pondo ng Abra Adventures V1 (Ride for a Cause) na ginanap noong Hulyo 31, 2022.
“Nag-uumapaw po ang aming puso ng kasiyahang maging instrumento upang mapabuti ang tirahan ng ating benepisyaryo. Ito po ay alinsunod sa polisiya ng ating mahal na CPNP sa kaniyang MKK=K program lalo na sa aspeto ng Malasakit,” saad ni PCol Cula.
Source: Abra Police Provincial Office
