Nagsanib pwersa ang PNP, Donate Philippines at Fraternal Order of Eagles sa isinagawang Grand Medical and Dental Mission sa Canabuan National High School, Barangay Canabuan, Sta. Fe, Nueva Vizcaya noong ika-2 ng Marso 2024.
Pinangunahan ni Police Major General Edgar Allan O Okubo, Director ng Police Community Relations ang naturang aktibidad kasama sina Police Brigadier General Marcial Mariano P Magistrado IV, DRDA ng PRO2, Police Colonel Edward M Guzman, C, CADD, at PCol Camlon P Nasdoman, PD, NVPPO.
Kasama sa aktibidad ang 36 na mga doktor sa pangunguna ni Dr. Myra G Reyes, Chairperson ng Donate Philippines, Fraternal Order of Eagles, Santa Fe at Aritao Police Station, Regional Police Community Affairs and Development Unit 2, Department of Education, iba pang stakeholders, at mga lokal na pamahalaan upang magbigay serbisyong pangkalusugan sa mga residente ng naturang lugar.
Umabot naman sa mahigit 1,400 benepisyaryo ang nahatiran ng serbisyong pangkalusugan kung saan 530 katao ang binigyan ng check-up para sa pangkalahatang kalusugan, 301 sa dental care, 350 para sa optical check-up, 80 na kalalakihan sa libreng tuli, at 144 naman sa ear-piercing service.
Bukod dito, nagbigay din ang grupo ng mga tsinelas, bitamina, at gamot na nagpapakita ng komprehensibong pamamaraan sa pagtugon sa pangangailangang pangkalusugan ng mga residente.
Nagpahayag si Police Colonel Nasdoman ng kanyang pasasalamat sa lahat ng mga tumulong, stakeholders, at sa buong mamamayan ng nasabing barangay.
Ang tagumpay na ito ay nagpapakita ng malalim na pagkakaisa at pagmamalasakit alinsunod sa programa ng Pangulong Ferdinand E Marcos Jr. na Whole-of-the-Nation Approach sa pagsulong ng mas matatag na lipunan para sa Bagong Pilipinas.
Source: Nueva Vizcaya Police Provincial Office
Panulat ni Pat Wendy Rumbaoa
