Sarangani Province – Matagumpay na nailunsad ang Grand Duterte Legacy Caravan na may temang “Pulisya, Saludo sa ating mga Manggagawa” kaugnay ng paggunita sa National Labor Day sa Sarangani Police Provincial Office noong Mayo 1, 2022.
Ayon kay Police Major June Erick Deguito, Company Commander ng 1204th Maneuver Company, RMFB12, matagumpay na naidaos ang nasabing programa katuwang ang mga iba’t ibang sangay ng gobyerno at Advocacy Support Groups sa naturang lugar na pinangunahan ng Sarangani PNP at ng Regional Mobile Force Battalion 12.
Ayon pa kay PMaj Deguito, 350 bag packs ang ipinamahagi sa mga mag-aaral ng Alabel Sarangani Province, habang food packs at relief goods ang pangunahing handog sa mga residenteng dumalo sa programa.
Lubos namang ikinatuwa ng naging benepisyaryo ang kanilang mga natanggap mula sa ating gobyerno sa tulong ng ating PNP at mga aktibong grupo ng mga Advocacy Support Groups na handang sumuporta sa mga programa na nakalaan sa ating mamamayan.
Patunay na ang PNP ay patuloy sa pamimigay ng tapat at tunay na serbisyo para sa ikabubuti ng bawat Pilipino at upang ipagpatuloy ang nasimulang programa sa kasalukuyang administrasyon.
Source: Regional Mobile Force Battalion – PRO 12
###
Panulat ni Patrolwoman Vanessa Gomez
