Maguindanao del Norte – Bilang paghahahanda sa papalapit na Barangay at Sangguniang Kabataan Elections 2023, isinagawa ng Police Regional Office Bangsamoro Autonomous Region ang Grand Culmination of Stakeholders’ Summit for Unity and Peace at Send-Off Ceremony na ginanap sa Camp BGen Salipada K. Pendatun, Parang, Maguindanao del Norte nito lamang ika-25 ng Oktubre 2023.
Pinangunahan ni Police Brigadier General Allan Nobleza, Regional Director ng PRO BAR, ang naturang aktibidad kung saan naging Panauhing Pandangal at Tagapagsalita si Atty. Naguib Sinarimbo, Minister of Interior and Local Government-BARMM.
Tinatayang nasa 1,900 contingents mula sa RMFB NCRPO; PRO 10; PRO 11; PRO 12; 41 SAC, 4SAB; 42 SAC, 4 SAB; 44 SAC, 4 SAB; 45 SAC, 4 SAB; 111 SAC, 11 SAB; 112 SAC, 11SAB; 115 SAC, 11SAB at Regional Headquarters, PRO BAR, ang ipapakalat sa iba’t ibang polling station na sakop ng Police Regional Office Bangsamoro Autonomous Region.
Katuwang din sa naturang aktibidad ang Philippine Coast Guard, Philippine Marines, at Bureau of Fire Protection.
Ang PRO BAR ay magpapatupad ng maximum deployment sa mga tauhan nito upang paigtingin ang kampanya laban sa karahasan na may kaugnayan sa halalan at ang pagpapaigting ng pwersang panseguridad ng iba’t ibang ahensya ng gobyerno ay nagpapakita lamang sa ating pangako na magkaroon ng ligtas, ligtas at maayos na BSKE 2023.
Panulat ni Patrolman Charlie Nasroden Corpuz
