Himas-rehas ang isang 19-anyos at Grade 11 student matapos ihain ng Warrant of Arrest ng mga tauhan ng Anonas Police Station 9 para sa kasong panggagahasa ng isang 15-anyos na babae sa Quezon City nito lamang Martes, Agosto 6, 2024.
Ayon kay Police Lieutenant Colonel Zachary Capellan, Police Station Commander ng Anonas Police Station, dumulog sa kanilang tanggapan ang magulang ng biktima at naghain ng reklamo laban sa binatilyong suspek sa panggagahasa sa biktima na naganap noong Pebrero at nakumpirma ang reklamo sa E-Warrant ng PNP.
Nadakip ng PNP ang suspek habang nasa loob ng isang fast food chain sa Caloocan at nahaharap sa kasong 2 Counts ng Statutory Rape.
Panawagan naman ng Quezon City PNP na huwag mag-atubiling magsumbong sa kanilang tanggapan upang agarang maaksyonan ang mga krimen at maibigay ang hustisya na nararapat sa mga nabiktima.
Panulat ni PSSg Remelin M Gargantos
