Arestado ang 34-anyos na ginang na target sa buy-bust operation na inilatag ng mga operatiba ng Police Station 1, Cebu City Police Office sa Sitio Lower Lumar, Brgy. T. Padilla, Cebu City noong Martes, Disyembre 5, 2023.
Sa pangunguna ni Police Major Henry Orbiso, Station Commander, ang akusado na kinilalang si alyas “Eka” ay nadakip dakong alas-8:55 ng gabi matapos ang naging transaksyon sa isa sa mga miyembro ng mga awtoridad na nagpanggap na poseur buyer.
Nasamsam sa pag-iingat ng suspek ang shabu na may tinatayang timbang na 10 gramo na may Standard Drug Price na Php68,000.
Ang suspek na nakakulong ngayon sa himpilan ng istasyon ay mahaharap sa patung-patong na reklamo kaugnay sa ilegal na droga.
Ang buong hanay ng kapulisan ng lungsod ay tiniyak ang patuloy at mas lalong pagpapaigting sa kampanya kontra ilegal na droga at sa lahat ng uri ng kriminalidad para sa pagpapanatili ang kaayusan at kapayapaan ng komunidad.
