Mandaue City – Napasakamay ng Mandaue City PNP ang 37-anyos na ginang makaraang maaresto at makumpiskahan ng libu-libong halaga ng ilegal na droga sa buy-bust operation na inilunsad sa Purok Tambis, Brgy. Umapad, Mandaue City, Cebu noong Biyernes, Nobyembre 17, 2023.
Kinilala ni Police Major Erwin Abrasado, Station 5 Commander ng Mandaue City Police Office, ang akusado na si alyas Lyn, residente ng Brgy. Babag II, Lapu- Lapu City.
Dakong alas-11:30 ng gabi nang mailunsad ang operasyon kung saan nasamsam ang nasa 25 gramo ng hinihinalang shabu na umaabot ang halaga sa Php170,000 at narekober rin sa operasyon ang ginamit na buy-bust money.
Ang suspek ay nahaharap sa reklamong paglabag sa Comprehensive Dangerous Drugs Act of 2002.
Ang Mandaue City PNP ay patuloy sa pagtugis sa mga taong lumalabag sa batas para sa isang ligtas at payapang komunidad.
