Mandaue City – Kalaboso ang 37-anyos na ginang na suspek sa buy-bust operation ng Mandaue City PNP sa Upper Tabok, Brgy. Tabok, Mandaue City, nitong Biyernes, Oktubre 13, 2023.
Kinilala ni Police Colonel Maribel Getigan, Acting City Director ng Mandaue City Police Office (MCPO), ang naaresto na si “Reyna”, residente ng 213 Spolarium St. Brgy. Duljo Fatima, Cebu City.
Ayon kay Police Colonel Getigan, nadakip ang suspek dakong alas-12:20 ng madaling araw sa operasyon na pinangunahan ng mga tauhan ng Police Station 3 at nasamsam sa pag-iingat nito ang hinihinalang shabu na may timbang na 25.35 gramo na may Standard Drug Price na Php172,380.
Nahaharap sa mga reklamong paglabag sa RA 9165 o Comprehensive Dangerous Drugs Act ang suspek.
Ang matagumpay na pagkakahuli ng suspek ay dahil sa walang humpay na partisapasyon ng komunidad sa kampanya ng PNP sa ilegal na droga at sa lahat ng uri ng kriminalidad.
