Manapla, Negros Occidental – Namahagi ang mga tauhan ng Manapla Municipal Police Station sa pangunguna ni Police Captain Jaynick A Bermudez, Chief of Police, ng mga gift packs sa isinagawang Community Outreach Program sa Sitio Solatorio, Brgy. Sta Teresa, Manapla nitong ika-8 ng Agosto 2022.
Naging matagumpay ang nasabing outreach program sa tulong ng Golden Salakot Eagles Club na pinangunahan ni Mr. Stephen Sampalucia kasama ang MARRPA sa pamumuno naman ni Mr. Berlin Bayot at ni Hon. Manuel Escalante III, Municipal Mayor ng Manapla, kasama ang DILG MLGOO sa pamumuno ni Miss Cherry Celeste Lacida.
Kasama sa ipinamahagi ng pambansang pulisya ang kilo-kilong bigas at mga assorted notebooks sa mga kabataan ng nasabing lokalidad para sa darating na pasukan.
Nagpasalamat naman si PCpt Bermudez sa walang humpay na tulong ng Golden Salakot Eagles Club at sa iba pang mga Force Multipliers ng himpilan sa pagsasagawa nito sa mga gawaing tiyak na nakakatulong sa buong komunidad.
###
