Calatrava, Negros Occidental – Tuloy-tuloy na umarangkada ang Gift-giving activity bilang bahagi sa outreach program ng Calatrava Municipal Police Station sa Barangay San Isidro, Calatrava, Negros Occidental nito lamang Lunes, Hunyo 13, 2022.
Ang naturang aktibidad ay regular ng inilunsad ng nasabing police station mula nang magkaroon ng pandemic na may layuning tumulong sa mga residenteng mas nangangailangan sa pamamagitan ng pamamahagi ng mga in-kind, bigas, damit at mga groceries sa mga benepisyaryo.
Kabilang sa mga napamahagian ang mga miyembro ng Barangay San Isidro Senior Citizen at Youth Sweepers na siyang mga kasapi rin ng Clean-up Drive Group ng naturang barangay.
Nakiisa rin sa nasabing programa ang iba’t ibang stakeholders, mga kasapi ng Barangay Based Force Multipliers at mga volunteers katuwang ang Local Government Unit ng Calatrava.
Ang Calatrava PNP ay nananatiling masigasig sa pagsasagawa ng mga aktibidad katuwang ang iba pang mga ahensya ng pamahalaan para makatulong sa mga residente sa bayan ng Calatrava hindi lang sa pagpapatupad ng mga mandato nito pati na rin sa pagbibigay ng mga pangunahing pangangailangan sa mga salat sa buhay.
###
