Labis na ikinagalak ng mga katutubo ang isinagawang gift giving activity ng mga tauhan ng Quezon MPS sa Sitio Tag Lumot Barangay Pinaglaban, nito lamang ika-27 ng Disyembre 2024.
Ang aktibidad ay pinangunahan ni Police Major Bronson Caramto at iba pang mga police personnel. Nasa 50 pamilya ang nabigyan ng pamasko mula sa kanilang tanggapan na taon-taon na nila umanong isinasagawa para magbigay saya sa mga katutubo.
Layunin nitong palaganapin ang diwa ng Pasko sa kapamilyang katutubo upang matulungan silang ipagdiwang ang kapaskuhan nang may kagalakan at pagkakaisa.
Source: Quezon MPS
Panulat ni Patrolwoman Ana Rose D Guadaña
