Taguig City — Sabik na sinalubong ng mga kabataan ang mga tauhan ng Regional Medical and Dental Unit dahil sa hatid nilang mga regalo sa Lakeshore C6, Lower Bicutan, Taguig City nito lamang Huwebes, Disyembre 22, 2022.
Ang naturang aktibidad ay naisakatuparan sa ilalim ng pamumuno ni Police Colonel Jessiemyr Protacio, Chief, RMDU kasama ang iba pang opisyales at tauhan ng nasabing yunit.
Personal na nagtungo ang RMDU upang mamahagi ng mga gift packs at mga bitamina sa 100 na benepisyaryo na mga kabataan.
Layunin ng programang ito ng PNP na maipadama sa mga kabataan ang tunay na diwa ng pasko at maipabatid sa kanila na ang pulisya ay laging nariyan sa anumang oras.
Source: RMDU NCR
Panulat ni PSSg Remelin M Gargantos
