Aklan – Nagsagawa ng Gift Giving Activity ang mga tauhan ng Aklan Police Provincial Office sa mga mag-aaral ng Bulwang, Camanci Norte, at Pusiw Elementary School sa probinsya ng Aklan nito lamang ika-4 ng Nobyembre 2022.
Ang aktibidad na ito ay pinangunahan ng Aklan PPO katuwang ang Numancia Municipal Police Station, Aklan Baghay Inc., Rotary Club ng Metro IloIlo, Dunkin Donuts, ALS Interact Club, NIS Interact Club ng Metro Kalibo, Kalibo Cable TV at Love Radio.
Matagumpay na naisagawa ang pamamahagi ng school kits at meryenda kasabay ng Psychosocial Support sa 281 mag-aaral ng mga nasabing paaralan.
Samantala, lubos ang pasasalamat ng mga mag-aaral sa tulong na kanilang natanggap mula sa ating mga kapulisan at ibang ahensya ng gobyerno.
Ang PNP ay patuloy sa mga ganitong programa katuwang ang iba’t ibang ahensya ng gobyerno upang matulungan ang ating mga mag-aaral upang matupad ang kanilang mga pangarap.
