Abra – Nagsagawa ng Gift-Giving Activity ang mga tauhan ng 1st Abra Provincial Mobile Force Company sa Sitio Callunay, Brgy. Malapaao, Langiden, Abra nito lamang Marso 11, 2023.
Ang naturang aktibidad ay pinangunahan ni Police Lieutenant Colonel Peter Conrad Bangsoy, Force Commander, katuwang si Pastor Ricky Tagura ng Christian Community Church-Langiden.
Humigit kumulang 35 na bata ang nakatanggap ng The Project Samaritan’s Purse boxes, nakatanggap din ng mga samu’t saring grocery items ang mga senior citizens at mga residente.
Bukod pa rito, nagsagawa rin ang mga naturang grupo ng bible sharing pagkatapos ay tinalakay at nagbigay kaalaman din patungkol sa Anti-terrorism.
Pasasalamat naman ang naging sukli ng mga benepisyaryo sa tulong at serbisyong hatid ng mga nasabing grupo.
Ang Abra PNP, katuwang ang ibang ahensya ng pamahalaan ay patuloy sa pagsasagawa ng programang makakatulong sa pagpapanatili ng kaayusan at kapayapaan tungo sa kaunlaran.
Source: 1st Abra Provincial Mobile Force Company
