Idinaos ang isang gift-giving activity ng mga tauhan ng Benguet 2nd Provincial Mobile Force Company sa Bobok-Bisal, Bokod, Benguet noong ika-28 ng Disyembre, 2024.
Ayon kay Police Lieutenant Colonel Dominador Mauricio, Force Commander ng Benguet 2nd PMFC, pinangunahan ni PEMS Ian Christian Teneza ang aktibidad, kasama si Honorable Fernando Catayao, Punong Barangay.
Tampok sa programa ang pamamahagi ng mga gamit pang-eskwela sa mga kabataan ng Bobok-Bisal.
Ang inisyatibo ay naglalayong maisulong ang edukasyon at mapahusay ang akademikong pagganap ng mga kabataan sa nasabing barangay.
Nakangiting pasasalamat naman ang ipinahayag ng mga kabataan sa kanilang regalo dahil makakatulong ito upang mas lalong mapaunlad ang kanilang mga kakayahan at maisakatuparan ang kanilang mga pangarap.
Ang nasabing programa ay naging isang magandang pagkakataon upang maipakita ang malasakit ng PNP sa kabataan at sa komunidad.
