Nagsagawa ng Gift-Giving Activity ang mga tauhan ng Nueva Ecija Police Provincial Office sa mga katutubo na ginanap sa Barangay Pantoc, Sitio Dupinga, Gabaldon, Nueva Ecija nito lamang ika-20 ng Marso 2024.
Ang aktibidad ay pinangunahan ni Police Lieutenant Colonel Wilfredo L Velayo, NEPPO Police Community Affairs and Development Unit kasama ang mga babaeng pulis ng iba’t ibang City Police Station ng Nueva Ecija at 1st at 2nd Provincial Mobile Force Company katuwang ang Local Government Unit ng Gabaldon, the Rotary Club ng San Jose Golden Harvest at barangay officials.
Tampok sa aktibidad ang pamamahagi ng 200 food packs at water containers para sa mga katutubo na residente sa naturang barangay na labis naman ang pasasalamat at tuwa sa kanilang natanggap na regalo.
Ang aktibidad ay kaugnay sa programa ng kasalukuyang administrasyon na Bagong Pilipinas at sa pagdiriwang ng National Women’s Month na naglalayong maipadama ang pagkalinga at malasakit ng pulisya at pamahalaan sa ating mga kababayan na nasa mga liblib na lugar sa pamamagitan ng paghahatid ng serbisyo publiko sa kanila.
Panulat ni Maria Ella Garcia
