Handog ng Tarlac PNP ang gift-giving activity para sa mga katutubo na ginanap sa Sitio Manibukyot, Barangay Bueno, Capas, Tarlac nito lamang ika-25 ng Disyembre 2024.
Ang aktibidad ay inisyatibo ng mga tauhan ng Tarlac Police Provincial Office sa pamumuno ni Police Colonel Miguel M Guzman, Provincial Director kasama ang Capas Municipal Police Station.
Tampok sa aktibidad ang pamamahagi ng food packs, damit at mga pangunahing gamot na pangangailangan para sa mga katutubo na residente sa naturang barangay na labis naman ang pasasalamat at tuwa sa kanilang natanggap na regalo.
Ang aktibidad ay kaugnay sa programa ng kasalukuyang administrasyon na Bagong Pilipinas na naglalayong maipadama ang pagkalinga at malasakit ng pulisya at pamahalaan sa ating mga kababayan na nasa mga liblib na lugar sa pamamagitan ng paghahatid ng serbisyo publiko.
Panulat ni Pat Maurene A Kiaki
