Getafe, Bohol – Nakiisa ang mga tauhan ng Getafe Municipal Police Station sa Mangrove Tree Planting sa Pandao Island, Getafe, Bohol nito lamang Huwebes, Setyembre 29, 2022.
Ang naturang aktibidad ay inisyatibo ng Local Government Unit ng Getafe, Bohol sa pamumuno ni Hon. Carey M. Camacho, Municipal Mayor at aktibong nilahukan ng Getafe PNP sa ilalim ng pangangasiwa ni Police Lieutenant Margarito Nocalan Cagoco Jr, Officer-In-Charge na siyang sinuportahan ng Bureau of Fire and Protection, Philippine Coast Guard, MSWD at Barangay Officials.
Nasa 200 Mangrove Seedlings ang naitanim ng grupo sa naturang aktibidad na may layuning mabigyan ng kamalayan ang publiko sa kahalagahan ng pagtatanim para sa pagsasaayos ng kalikasan at pagpapanatili ng kagandahan ng kapaligiran.
Ang PNP ay patuloy na makikiisa sa mga programa na may kaugnayan sa pangangalaga sa kalikasan upang ipabatid na ang kapulisan ay laging katuwang ng komunidad at ng iba pang ahensya ng gobyerno sa pagtataguyod ng kaayusan, kapayapaan at kaunlaran ng kapaligiran.
Panulat ni Patrolwoman Jenilyn Consul
