Bacacay, Albay – Muling inilunsad ng Bacacay PNP ang “Gandang Ngiti Project” at “One Smile Bacacay” sa bayan ng Bacacay, Albay nito lamang Miyerkules, Hunyo 8, 2022.
Ang nasabing aktibidad ay pinangunahan ni Police Major Irvin Bellen, Officer-in-Charge ng Bacacay Municipal Police Station kasama sina Mr. Obed Barrios at Ms. Carmen Bio ng Alliance of Riders Guardian Brotherhood Incorporated (ARGBI) na nagbahagi ng school supplies sa mga kabataan.
Nagsagawa rin ng lecture ang nasabing istasyon sa mga kabataan at mga magulang na mag-ingat sa lahat ng oras at magtulungan upang maiwasan ng mga kabataan ang anumang uri ng pang-aabuso o maging biktima ng ilegal na droga at terorismo.
Ang Bacacay PNP ay patuloy lamang sa proyektong ito dahil marami pang pamilya at mga kabataan ang matutulungan.
###
Panulat ni Patrolman Jomar Danao
