Aklan – Malugod na nakiisa ang mga miyembro ng Aviation Security Group Caticlan Airport Police Station (CAPS) at Special Operations Unit Special Reaction Team (SOU-SRT) sa pagsasagawa ng Full-Scale Emergency Exercise EMPLAN 4 “Acts of Unlawful Interference” ICARUS 2022, na inilunsad nito lamang ika-17 ng Nobyembre 2022 sa Arrival Area ng Caticlan Airport, Brgy. Union Nabas, Aklan.
Ang aktibidad ay inisyatiba ng Caticlan Godofredo P Ramos Airport, na aktibong sinuportahan ng mga miyembro ng Caticlan Airport’s Medical Team, Local Government Units, Office for Transportation Security, Security Guards, at iba pang friendly forces.
Samantala, nagsilbi namang observers at evaluators sina Police Lieutenant Colonel Manolo F Salvatierra, Officer- In- Charge, AVSEU6 at si Police Major Ricky Waniwan, Station Chief ng Roxas APS.
Sinisiguro ng Aviation Security Group sa pangunguna ni Police Colonel Anthony A Aberin, Acting Director ng AVSEGROUP na ang mga ganitong hakbangin ay patuloy nilang bibigyang pansin upang matiyak ang maayos, de kalidad at maaasahang serbisyo sa anumang oras, araw at pagkakataon.
