Albay – Matapos na itaas sa Alert Level 3 ang kalagayan ng Bulkang Mayon ay itinaas na din sa Full Alert Status ang buong kapulisan ng lalawigan ng Albay nito lamang Hunyo 9, 2023.
Ang nasabing direktiba ay mula kay Police Colonel Fernando Cunanan Jr., Provincial Director ng Albay Police Provincial Office upang makapagbigay ng seguridad at asistensya ang kapulisan sa mga Albayanos.
Samantala, agad na ipinag-utos ni PCol Cunanan Jr. ang pagtatayo ng mga Police Assistance Desk sa mga nakatalagang Evacuation Centers upang agarang makapagbigay ng asistensya at serbisyo sa mga pamilya at residente na nagsilikas.
Patuloy naman na pinapaalalahan ng kapulisan ang mga residente na sumunod sa mga abiso ng mga otoridad na lumikas para sa kaligtasan ng lahat.
