Capiz – Nakatanggap ng libreng grocery packs ang mga miyembro ng Force Multipliers na ginanap sa Barangay Canapian, Maayon, Capiz nito lamang ika-16 ng Oktubre 2023.
Ang programa ay pinangunahan ni PMaj Syril DC Punzalan, Chief of Police ng Maayon MPS, na naging benepisyaryo ay ang mga miyembro ng BPATs at UKIF-ACO Maayon Chapter Force Multipliers.
Kabuuang 40 na force multipliers ang binigyan ng mga food pack, at isang sertipiko ng pasasalamat ay ibinigay din bilang pagkilala sa kanilang mahalagang serbisyo bilang mga force multipliers sa hanay ng kapulisan.
Layunin ng programa na palakasin ang kakayahan ng komunidad na magkaroon ng aktibong papel sa pagpapalaganap ng kanilang kaligtasan at sa pag-angat ng tiwala at kooperasyon sa PNP.
