Naghatid ng tulong ang mga miyembro ng Police Regional Office BAR sa mga residenteng nasalanta ng bagyo sa Barangay Macabual Tugunan, SGA BARMM noong ika-19 ng Hulyo 2024.
Sa pagtutulungan ng mga miyebro ng PRO BAR, sa pangangasiwa ni Police Brigadier General Prexy D Tangawohn, Regional Director na kinatawanan ng mga tauhan ng Regioanal Community Affairs and Development Division na pinangunahan ni Police Colonel Armando Muena, Chief RCADD at mga tauhan ng PCADG-RPCADU BAR at RMFB 1405th ay matagumpay na naihatid at naipamahagi ang mga paunang pangangailangan ng mga residenteng apektado ng pagbaha.
Higit 400 na residente ang natulungan, mapabata man o mga matatanda.
Kabilang sa mga naipamigay ay food packs, damit at tubig na lubos na ikinatuwa naman ng mga residente.
Sa panahon ng sakuna, ang kapulisan ng PRO BAR ay hindi mag-aalinlangang maghatid ng tulong sa mga residenteng lubos na nangangailangan.
At laging sisiguruduhin ang seguridad at kaligtasan ng bawat mamamayan sa kanilang nasasakupan dahil sa bagong Pilipinas ang gusto ng pulis ligtas ka!
Panulat ni Patrolwoman Veronica Laggui
