Mabilis na isinakatuparan ng mga tauhan ng Revitalized-Pulis sa Barangay Monkayo ​​Cluster 19 sa pamumuno ni PLt Eduardo C Manila kasama ang mga miyembro ng Upper Ulip Youth Livelihood Association sa pangunguna naman ni Zimmer Jay Armada, Presidente ng nasabing asosyasyon ang pagsasagawa ng Bayanihan para sa kanilang Fishpond Livelihood Project sa Brgy. Upper Ulip, Monkayo, Davao de Oro.
Ang proyektong ito ng R-PSB na kabilang sa kanilang mga programa para sa pangkabuhayan ng mga kabataan na miyembro ng nasabing People’s Organization na inorganisa ng kanilang grupo upang kahit paano ay makatulong sa pangangailangan ng kani-kanilang pamilya lalo na ngayong panahon ng pandemya.
Sa kanilang pagtutulungan at sa diwa ng Bayanihan, ang fishpond livelihood project na ito ay nagbigay din ng oportunidad para sa mga kabataan na magkaroon ng tuloy-tuloy na trabaho at kumita habang nakakapag-aral sila at nakakapiling nila ang kanilang mga mahal sa buhay para na rin sa kanilang kinabukasan.
Sa pamamagitan nito ay mailayo sila sa masasamang bisyo, kriminalidad at pagkalinlag sa makakaliwang grupo. Kasabay nito ay mas mapagtitibay din nila ang samahan ng mga kabataan sa kanilang lugar.
#####
Article by Police Corporal Mary Metche A Moraera
