Isinagawa ang final deployment briefing bilang paghahanda para sa nalalapit na 2025 National at Local Elections at iba pang usaping pangseguridad nito lamang Mayo 11, 2025 ganap na 9:00 ng umaga sa Camp Major Lamac, Oroquieta City, Misamis Occidental.
Pinangunahan ito ni Police Brigadier General Jaysen C. De Guzman, Regional Director ng Police Regional Office 10, kasama ang buong pamunuan ng Misamis Occidental Police Provincial Office.
Layunin ng nasabing aktibidad na tiyakin ang kahandaan ng bawat pulis sa pagtupad ng kanilang tungkulin, lalo na sa pagbibigay ng seguridad at kaayusan sa panahon ng halalan.
Sa pagtatapos ng briefing, idineklara na ang buong puwersa ng Misamis Occidental PNP ay ganap nang handa para gampanan ang kanilang mga responsibilidad kaugnay ng eleksyon sa darating na Lunes, Mayo 12, 2025.
Panulat ni Pat Rizza C Sajonia
