Lanao del Sur – Nagsagawa ng field visit at inspection si Police Brigadier General Allan Cruz Nobleza, Regional Director ng Police Regional Office Bangsamoro Autonomous Region sa mga lugar na gagamitin bilang base command ng PNP Special Action Force sa mga Munisipalidad ng Malabang, Binidayan, at Masiu, Probinsya ng Lanao Del Sur na ginanap nito lamang ika-8 ng Enero 2024.
Ang mga lugar na pagtatayuan ng bagong kampo ng SAF Troopers ay bilang resulta ng inisyatibo at pagsusumikap ng mga nabanggit na Local Government Unit.
Naging katuwang ni PBGen Nobleza sa kanyang pagbisita sina Police Colonel Jibin Bongcayao, Chief ng Regional Operation Division; Police Colonel Robert Daculan, Provincial Director ng Lanao del Sur Police Provincial Office; Police Lieutenant Colonel Argel Ancheta, Force Commander ng Regional Mobile Force Battalion 14 A; at iba pang mga Station at Unit Commanders, binisita din ang ilang Municipal Police Station upang siguruhin ang morale at welfare ng ating mga kapulisan.
Panulat ni Patrolwoman Angela Bandarlipe
