Matagumpay na naisakatuparan ang isang Feeding Program para sa mga mag-aaral ng Bamban National High School sa Barangay Bamban, San Clemente, Tarlac nito lamang Huwebes, ika-5 ng Disyembre 2024.
Ang makabuluhang aktibidad na ito ay pinangunahan ng San Clemente Municipal Police Station sa ilalim ng pangangasiwa ni Police Lieutenant Reyes A Fabros, Officer-In-Charge.
Namahagi ang kapulisan sa estudyanye ng libreng pagkain at inumin na labis namang ikinatuwa at ipinagpapasalamat ng mga ito.
Ang hakbang na ito ay naglalayong makapagbigay tulong sa pamamagitan ng pag-abot ng serbisyo lalo na usaping pangkalusugan at maipabatid sa ating mga kabataan ang kahalagahan ng wastong pagkain o nutrisyon upang mapabuti ang kanilang pag-aaral.
Patuloy ang San Clemente PNP sa pagsasagawa ng ganitong aktibidad upang maipadama ang malasakit at mapanatili ang magandang ugnayan ng kapulisan at komunidad tungo sa maunlad at mapayapang Bagong Pilipinas.
Panulat ni Pat Digna Jane Tenorio Malubay
