Sta. Catalina, Negros Oriental – Nagsagawa ng Feeding Program ang mga tauhan ng Sta. Catalina Municipal Police Station sa Jagna Mission Church, Sitio Jagna, Barangay Nagbalaye Sta. Catalina, Negros Oriental nito lamang Biyernes, Setyembre 2, 2022.
Ang naturang aktibidad ay pinangunahan ni Police Major Enrique Kilnet Asonio, Chief of Police ng Sta. Catalina Municipal Police Station katuwang si Pastor Gilbert Balasa, mula sa Religious Sector at Advocacy Support Group na Delta Beta-Manalongon Chapter.
Ayon kay Police Major Asonio, ang aktibidad ay nagnanais na maturuan ang mga bata maging ang kanilang mga magulang patungkol sa wastong nutrisyon na nararapat na taglayin ng mga ito.
Laking tuwa at lubos ang pasasalamat ng mga bata dahil sa handog na pagkain sa kanila ng mga tauhan ng Sta. Catalina Municipal Police Station.
Ang mga ganitong hakbangin ng mga tauhan ng Sta. Catalina MPS ay naglalayong matulungan ang mga kabataan na kanilang nasasakupan at ipadama sa mga ito ang pantay-pantay na pagmamahal at pagkalinga sa kanila ng Pambansang Pulisya.
Panulat ni Patrolwoman Jenilyn Consul
