San Jose, Occidental Mindoro – Nagsagawa ng Feeding Program ang mga tauhan ng San Jose Municipal Police Station sa mga mag-aaral ng Yaw-Yawi II Elementary School, Brgy. Murtha, San Jose, Occidental Mindoro noong ika-9 ng Nobyembre 2022.
Ang aktibidad ay pinangunahan ni Police Lieutenant Colonel Andres Tejerero, Acting Chief of Police ng San Jose MPS katuwang ang mga tauhan ng 1st Occidental Mindoro Provincial Mobile Force Company, Kabataan Kontra Droga at Terorismo, Faith-Based at Barangay-Based Advocacy Support Group bilang bahagi ng pagdiriwang ng kaarawan ni PLtCol Tejerero.
Namahagi ang grupo ng masarap at masustansyang sopas at itlog sa 100 na mag-aaral at lubos ang tuwa at pasasalamat ng mga guro at mag-aaral ng nasabing paaralan.
Patuloy na isinasagawa ng PNP ang mga ganitong programa na naglalayong isulong ang pagkakaisa tungo sa ligtas at maunlad na pamayanan.
Source: San Jose MPS, Occidental Mindoro
Panulat ni Patrolman Erwin Calaus
